İŞEMİK İNSULT / TİA ZAMANI MƏRHƏLƏLİ MÜALİCƏ METODLARI

Hörmətli izləyicilərimiz!

Sizi Milli Nevroloqlar Assosiasiyasının təşkilatçılığı, və Health and Science Initiatives və Health and Science Events təşkilati dəstəyi ilə 26–27 avqust 2026-cı il tarixlərində “İŞEMİK İNSULT / TİA ZAMANI MƏRHƏLƏLİ MÜALİCƏ METODLARI” mövzusunda əyani formatda keçiriləcək 2 günlük təlim proqramına dəvət edirik!

Kursun məqsədi

İşemik insult və tranzitor işemik atak zamanı pasiyentlərin ilkin qiymətləndirilməsi, diferensial diaqnostikası, müalicə taktikasının seçilməsi, ikincili profilaktika və uzunmüddətli klinik izlənmə prinsipləri üzrə nəzəri bilik və praktik qərarvermə bacarıqlarının inkişaf etdirilməsidir.

Təlim real klinik hallar, interaktiv müzakirələr və müasir beynəlxalq yanaşmalar əsasında keçiriləcək.

📚 Proqramda öyrənəcəksiniz:

• TİA və amaurosis fugax zamanı riskin qiymətləndirilməsi;
• TİA-dan sonra təcili müayinə və müalicə prinsipləri;
• Gənc pasiyentlərdə karotid disseksiya;
• Doğuşla əlaqəli disseksiya, fibromuskulyar displaziya və psevdoanevrizma;
• Ocular ischemic syndrome və amaurosis fugax-ın diferensial diaqnostikası;
• Karotid stenoz zamanı müalicə taktikasının və CEA göstərişlərinin müəyyənləşdirilməsi;
• Paroksizmal atrial fibrilyasiya və atrial flutter aşkarlanan TİA pasiyentlərində müalicə strategiyası;
• Çoxsaylı komorbidliyi olan yaşlı pasiyentlərdə TİA və karotid stenozun idarə olunması;
• Aktiv onkoloji xəstəlik fonunda işemik insult;
• Trousseau sindromu zamanı antikoaqulyasiya seçimi;
• Kimyaterapiya alan pasiyentlərdə tromboliz və tromboektomiya göstərişləri;
• Gənclərdə və yaşlılarda minor stroke-un mərhələli müalicəsi;
• Stroke mimic hallarının tanınması;
• Orta və böyük ölçülü beyin infarktlarında kəskin, yarımkəskin və sonrakı dövr müalicəsi;
• İnfarkt ölçülərinin və klinik ağırlığın qiymətləndirilməsi;
• İkincili profilaktika və uzunmüddətli klinik izlənmə prinsipləri.

Tədris formatı

• İnteraktiv mühazirələr;
• Real klinik keyslərin təhlili;
• Qrup müzakirələri;
• Pre-test və Post-test;
• Ekspertlərlə sual-cavab sessiyası.

Təlimçilər

Dr. Aybəniz Murtuzova, MD, Rigshospitalet Universitet Xəstəxanasının Beyin və Onurğa Beyni Zədələri Departamentinin rəhbəri,  Avropa İnsult Magistri (European Stroke Master), İnsult və nevrologiya üzrə baş məsləhətçi, Kopenhagen, Danimarka

Dr. Mərziyyə Məmmədova Citomed Klinikasının nevroloqu, Əziz Əliyev adına Azərbaycan Dövlət Həkimləri Təkmilləşdirmə İnstitutunun Nevrologiya və Klinik Neyrofizologiya kafedrasının assistenti, Bakı, Azərbaycan

Uzm. Dr. Mubariz Murtuzov Medera Hospital, Səudiyyə Ərəbistanı və Danimarka da ixtisaslaşmış beynəlxalq dərəcəli uzman həkim nevroloq, Azərbaycan Bakı, Azərbaycan

Proqram

Təlim haqqında məlumat

Tarix: 26–27 avqust 2026-cı il / 2 gün
Saat: 09.00-18.00
Məkan: Citomed Klinikası, Möhsün Sənani küçəsi 106, Bakı şəhəri

Aidiyyatı olan ixtisaslar: Nevroloqlar, terapevtlər, ailə həkimləri, anestezioloq-reanimatoloqlar, təcili tibbi yardım və qəbul şöbəsi həkimləri, kardioloqlar, radioloqlar, həkim-rezidentlər və digər müvafiq ixtisaslar üzrə çalışan tibb mütəxəssisləri, tibb tələbələr və orta tibb işçiləri (tibb qardaşları və bacıları)
Ödənişlidir: 250AZN
Aparılan dil: Azərbaycan dili
DTT krediti: DTT krediti nəzərdə tutulub 
Sertifikat: verilir
Yerlər məhduddur: canlı 60 nəfər
Qeydiyyatın son günü: 25 avqust 2026, 18.00-dək

📌 Yerlər məhduddur.