HSI CRO (Contract Research Organization) olaraq Sizə elmi klinik tədqiqatların planlaşdırılmasından başlayaraq yekun hesabatların hazırlanmasına qədər bütün mərhələlərdə tam şəkildə xidmətlər təqdim edirik. Xidmətlərimiz, həmçinin I-IV faza klinik tədqiqatları da əhatə edir və hər bir mərhələdə elmi dəqiqlik, etik prinsiplər və normativ hüquqi uyğunluq təmin edilir.
Klinik araşdırmaların uğurla həyata keçirilməsi üçün normativ hüquqi uyğunluq əsas şərtdir. Bu istiqamətdə biz yerli və beynəlxalq qanunvericiliyə uyğun olaraq normativ sənədlərin hazırlanması və təqdimatı ilə bağlı tam dəstək veririk.
Biz həmçinin yerli və beynəlxalq qanunvericilikdə baş verən dəyişiklikləri daim izləyir və uyğunluğu təmin edirik.
Tədqiqatın vaxtında başlaması uğurun əsas göstəricilərindəndir. Bu mərhələdə biz araşdırmaya üçün uyğun mərkəzlərin və tədqiqatçıların seçilməsi, müqavilələrin bağlanması və müvafiq sənədlərin toplanması ilə bağlı bütün xidmətləri təşkil edirik.
Klinik proseslərin düzgün icra edilməsi tədqiqatların əsas sütunudur. Peşəkar monitorlarımız və layihə menecerlərimiz tədqiqatın yerli və beynəlxalq protokola uyğun, vaxtında və effektiv şəkildə aparılmasını təmin edirlər.
Monitorinq səfərlərinin təşkili, mərkəzlərlə əlaqə, protokol pozuntularının aşkarlanması və pasiyentlərin cəlbi daxil olmaqla bütün klinik əməliyyat mərhələlərində sizi dəstəkləməyə hazırıq.
Biz beynəlxalq təcrübəyə əsaslanaraq Sizin tədqiqatlarınızın GCP və ISO standartlarına uyğun şəkildə aparılacağına zəmanət veririk.
